Ginpaathag sang konsehal sa ciudad sang Bacolod nga wala sang prankisa kag ordinansa nga nagapahanugot sa kumpanya nga Clean Water nga mag-supply sang tubig sa pila ka mga barangay sa ciudad.
Madumduman nga gin-aprubahan na sang Sangguniang Panlungsod ang Resolution of No Objection (RONO) sang Clean Water nga maga-supply sang tubig sa Brgy Alangilan, Brgy Granada, Brgy Estefania kag Brgy. Villamonte.
Lakip sa nag-object sanday kag Councilor Homer Bais, Chairperson sang Committee on Environment, kag Bacolod City Councilor Wilson Gamboa.
Sa interview sang Bombo Radyo kay Gamboa, ginpahayag sini nga ang local government unit ang magahatag sang ordinansa nga maga-isyu sang prankisa sa amo nga kumpanya agud mahibaluan kun diin sila magakuha sang tubig.
Apang, suno sa Konsehal ang kumpanya ang wala sang sabat rason nga siya ang nag-object sa RONO.
Dugang pa sini, kwestyonable man kun diin sila magakuha sang tubig.
Pahayag sini, nga ang gintaagan lang sang exclusive franchise sa ciudad amo ang BACIWA nga mag-supply sang tubig sa ciudad.
Suno sa Konsehal, ang mga nasambit nga branagay nga gin-applyan sang RONO amo ang daan na nga nabutangan sang tubo apang ini ang gin-untat kag wala na gin-renew sang Prime Water ang ila kontrata nga suno diri rason kun ngaa ginhingagaw nila nga sila ang mga-ssupply sa apat ka mga barangay.
