Nagbayad na sang penalidad ang tag-iya sang mini truck nga naghaboy sang basura sa reclamation area nga nahuli cam sang tinalikdan nga semana.
Sa interview kay Bacolod City Mayor Greg Gasataya nga ang ini nga mga tikang ang makatawag sang atensyon sang mga pumuluyo nga wala ginatolerar ang pagpanghaboy sang basura bisan diin lang nga bahin sang ciudad.
Sang Lunes sang hapon, nagbayad ang tag-iya sang multa.
Na-locate ini paagi sa plate number nga nakuha sa video.
Gilayon man nga ginpa-trace ang plate number sa Bacolod City Police Office kag Land Transportation Office.
Sang nakilala ginserebehan sang show cause order kag sang Lunes natigayon nga maestorya sang City Legal Office kaupod ang Bacolod Environment and Natural Resources Office (BENRO) ang tag-iya sang truck nga residente sang Barangay Bata, Bacolod City.
Nagpangayo sang pasaylo ang tag-iya sang truck sa city government apang indi man puede nga masami lang magpasaylo.
Gin-ako man sang mga ini nga sila ang nagpahaboy sang basura apang wala sila naghatag sang lugar nga habuyan bangud ang tuyo nga mahaboy lang ang basura.
Sa idalom sang City Ordinance 596 kag RA 9003 nga may yara gid sila sang ginlapas nga layi.
Nakasaad sa layi nga ang paghaboy sang basura sa indi designated area ang magabayad sang P2500 kag 5 days community service.
Ang tag-iya ang nagpasugot nga magbayad sang P2500 nga multa kag dugang nga P270 nga additional depende sa kapasidad sang mini truck.
Ang ciudad ang wala lang nagahipos bangud ginapangitaan sang mga ini nga madakpan ang nagaillegal dumping agud nga mahatagan sang leksyon.
