All-you-can-eat restaurant, may multa para sa mga magasuka bangod sa kabusogon

Iban sa mga all-you-can-eat restaurant naga-implementar sang layi nga ‘no leftover’ ukon ‘no take out’ apang pinasahi naman ang isa ka restaurant sa Spain nga may layi nga kun sin-o man ang customer nga magsuka, siya may yara sang bayaran nga penalidad.

Ang Sushi Toro nga all-you-can-eat restaurant nagapabayad sa mga tawo nga nagasuka bangod sa kabusogon.

Bangod pila ka beses na nga natabo nga may nagasuka nga customer nagbutang sang paandam ang restaurant nga kun sin-o man ang masuka bangod sa overeating, siya dapat magbayad sang extra fee para sa damage nga ginhimo sini.

Suno sa Spanish restaurant bangod madamo sang nagasuka, naga-apekto ini sa iban nga nagakaon, sa serbisyo, sa management kag sa hygiene sang establishemento.