Ginpahayag ni U.S. President Donald Trump kahapon nga yara na sila sa final stage sang negosasyon sa Iran apang nagpaandam man ini sa posible nga panibag-o nga pagpang-atake kun indi makahimo sang kasugtanan.
Suno kay Trump, pila ka semana matapos ang temporaryo nga pag-untat sang Operation Epic Fury para sa ceasefire, mahinay gihapon ang progreso sang peace talks.
Suno diri, halos magmando ini sang dugang pa nga mga pag-atake apang ginpili niya nga maghulat agud hatagan sang kahigayunan ang mga negosasyon.
Samtang, gin-akusaran sang Tehran si Trump nga nagaplano nga mag-umpisa liwat sang gyera gani nagpamahog man ini nga magtimalos pananglitan liwat nga mag-atake ang Estados Unidos, nga mahimo mas magsangkad pa sa gwa sang Middle East.
Suno kay Iranian Parliament Speaker Mohammad Baqer Qalibaf, may mga senyales nga nagahanda ang Amerika sang panibag-o nga operasyon batok sa Iran.
