President Bongbong Marcos, ginpasakaan ang volume sang ginapahanugutan nga imports sang karne sang baboy

Nag-issue si President Ferdinand “Bongbong” Marcos Jr., sang Executive Order No.116 nga nagamando sang pagtaas sang Minimum Access Volume (MAV) ukon ang kadamuon sang karne sang baboy nga ginapahanugutan nga i-import sa pungsod para sa tuig 2026.

Sa idalum sang bag-o nga mandu, pagadugangan ang alokasyon sang pork imports halin sa 54,210 metric tons (MT) himuon nga 204,210 Metric Tons.

Tinutuyo sini nga mapabilin ang nagakaigo nga supply kag mapasiguro ang barato nga presyo sang karne sang baboy kag mga produkto nga karne nga ginproseso sa merkado.