Agriculture group, nanawagan kay President Bongbong Marcos nga ibasura ang mando sa pagdugang sang importasyon sang baboy

Nagapanawagan ang Samahang Industriya ng Agricultura (SINAG) kay President Ferdinand Marcos Jr., nga ibasura ang Executive Order No. 116 nga nagadugang sang importasyon sang baboy halin 54,210 MT pakadto 204,210 MT.

Suno kay SINAG executive director Jayson Cainglet, ang amo nga tikang ang nahatag sang kahangawa sang mga local hog raisers kag indi ini makabulig sa actual inflation situation sang pungsod.

Suno pa sa SINAG nga ang pagtaas sang import quota ang dapat yara sa mandato sang Kongreso kag indi basta liwat nga ipatuman paagi sa executive order.

Samtang ginpahayag man sang gobyerno nga ang mas mataas nga importasyon may tinutuyo nga mapun-an ang kakulang sang suplay kag mapahagan-hagan ang presyo sang baboy sa merkado.