Wala naglaum ang isa ka customer nga may pa “freebies” ang iya nga ginbakal nga lettuce sa grocery store sa Australia matapos matukiban ang isa ka buhi nga paka sa plastic bag sini.
Ginpahayag ni Laura Jones kag Billie Le Pine sang New Zealand nga nagpuli ang ila upod sa ila balay sa Esperance matapos nga nang-grocery sa Woolworths kag gilayon nga ginpakita sa ila ang nabakal nga lettuce nga may upod nga paka nga ginhinaglan nila nga “Greg”.
Ini ang gin-post ni Jones sa Tiktok kag nakakuha sang million views.
Suno naman kay Le pine, halos kadakuon sang iya palad ang paka.
Gilayon nila ini nga ginhilway sa isa ka local dam upod ang lettuce.
Suno kay Le Pine, ini ang pinaka-random nga butang nga nakita niya sa pag-grocery.
Nalipay man ini nga nabalik si Greg sa iya puluy-an.
Nagpaggwa naman sang pahayag ang Woolworths kag ginhambal nga imbestigaran nila ang insidente.
Suno sa Kumpanya, isa lamang ini ka isolated case kag wala na sang iban pa nga report nga kaangay nga insidente.
