Kapin P2.1 million nga balor sang suspected shabu,na-recover sa 19-anyos nga lalaki sa Brgy. 2, Bacolod City

Na-recover ang kapin P2.1 million nga balor sang suspected shabu sa 19-anyos nga lalaki sa ginpatigayon nga buy-bust operation sang Police Station 2 sa Purok Tahong, Brgy. 2, Bacolod City alas-2:30 kaina sang kaagahon, May 31.

Ginkilala ang subject person nga si alyas Dem, wala sang asawa, wala sang trabaho kag residente sang nasambit nga lugar.

Nakuha sa iya paghinakup ang anum ka heat-sealed transparent plastic sachets sang suspected shabu kalakip na ang buy-bust item; apat ka knot-tied transparent plastic bag sang ginapatihan shabu; P1000 nga buybust money kag iban pa nga non- drug items.

Ang nakumpiskar nga illegal nga druga ang ginabanta nagabug-at sa 320 grams nga may standard drug price nga P 2,176,000.