Ginhatagan sang award ang Top 5 delegates sa Palarong Pambansa 2026.
Ang award ang ginhatag kadungan sang closing ceremony sang national games sa D.O Plaza Sports Complex sa Agusan Del Sur kahapon, Mayo 31.
Nangin dinapit nga bisita si Education Secretary Sonny Angara.
Sa mensahe ni Angara, ginpasalamatan sini ang Agusan Del Sur sa maayo nga paghost sang Palarong Pambansa kag gindayaw man sini ang mga atleta nga madamo ang nagbreak sang record nga nagapakita nga inspired ang mga ini sa paghampang.
Kahapon, ginpasa naman kay Quezon City Mayor Joy Belmonte ang flag sang Palarong Pambansa bangud ini ang magahost sa 2027.
Sa Elementary, First Place ang CALABARZON Region nga nakabaton sang P100,000 kag trophy; second place ang Davao region nga nakabaton sang P75,000 kag trophy; 3rd place ang National Capital Region nga nakabaton sang P50,000 kag trophy; 4th place ang Western Visayas kag 5th place ang Central Visayas nga nakabaton man sang tag P25,000 kag certificate kada isa.
Sa Secondary, First Place ang National Capital Region nga nakabaton sang P100,000 kag trophy; second place ang CALABARZON region nga nakabaton sang P75,000 kag trophy; 3rd place ang Caraga region nga nakabaton sang P50,000.00 kag trophy; 4th place ang Central Visayas Region kag 5th place ang Northern Mindanao nga nakabaton man sang tag P25,000 kag certificate kada isa.
Sa Overall, First Place ang National Capital Region nga nakabaton sang P200,000 kag Trophy; Second Place ang CALABARZON nga nakabaton sang P150,000 kag Trophy; 3rd place and Davao region nga nakabaton sang P100,000 samtang ang 4th place ang Central Visayas kag 5th place ang Western Visayas nga nakabaton man sang tag P50,000 kag certificate kada isa.
Sa PARAGAMES, First Place ang Western Visayas nga nakabaton sang P200,000 kag Trophy; Second Place ang Negros Island Region nga nakabaton sang P150,000 kag Trophy; 3rd place ang CALABARZON nga nakabaton sang P100,000 samtang ang 4th place ang Eastern Visayas kag 5th place ang Bicol region nga nakabaton man sang tag P50,000 kag certificate kada isa.
