Nagsabtanay sanday Senate President Alan Peter Cayetano kag DILG Secretary Jonvic Remulla sa Senado kahapon samtang ginpatigayon sang PNP-CIDG ang pag-aresto kay Senator Jinggoy Estrada angot sa kaso nga plunder.
Samtang ginapatuman ang warrant of arrest, ginpakigabto ni Cayetano nga dapat i-respetuhon ang institusyon sang Senado kag tugutan si Estrada nga maggwa anay antes arestuhon.
Hugot naman nga nagpamatok si Remulla kag ginpanindugan nga nadula na ang pribilehiyo sang Senado matapos ang insidente sang pagpalagyo ni Sen. Ronald “Bato” Dela Rosa naggikan sa protective custody.
Apang, nagpabilin nga sentro sang kontrobersiya ang kaso ni Estrada nga may kaangtanan sa ginaalegar P573-milyon nga anomaliya sa flood control projects, isa ka kaso nga non-bailable nga may penalidad nga reclusion perpetua kun mapamatud-an nga guilty.
