Ginkumpirmar ni Department of the Interior and Local Government (DILG) Secretary Jonvic Remulla nga opisyal na nga ginakabig nga person deprived of liberty (PDL) si former House Speaker Martin Romualdez matapos maserbehan sang arrest warrant sa iya mismo nga kwarto sa Cardinal Santos Medical Center kahapon.
Gilayon man nga ginpaidalom ang mamalidha sa booking procedure kag ginbasahan sang iya mga kinamatarong.
Santo sa pahayag sang DILG, gindala sa ospital ang kongresista matapos makaeksperyensya sang cardiovascular event, pagtaas sang presyon sang dugo, kag anxiety attack sang mabalitaan ang paggwa sang warrant of arrest sang Sandiganbayan.
Nagpabilin naman ang mga otoridad sa gwa sang kwarto ni Romualdez kasubong man sa palibot sang ospital samtang gin-examine sang mga doktor ang kondisyon sang mamalidha.
Liwat nga nagpasalig ang gobyerno nga gilayon isaylo si Romualdez sa Quezon City Jail sa Payatas sa tion nga mahatag na ang iya medical clearance.
