Ginsabat ni Senate President Alan Peter Cayetano ang panghangkat ni Sen. Raffy Tulfo nga magpakita sa sesyon sang Senado kag pamatud-an ang “independence” kag indi mangin talawan.
Sa Facebook Live, ginpahayag ni Cayetano nga indi ang pag-absent sa sesyon ang isyu, kag ginhalimbawa niya ini sa isa ka mangunguma nga ginapakadto sa bukid apisar may bagyo ukon sa isa ka suldado nga ginapahimo sang “suicide mission.”
Gin-akusaran man ni Cayetano ang mag-utod nga Tulfo kag ginpahayag nga malapit ini sila sa Malacañang.
Ginpanginwala man sang senador ang alegasyon nga siya ang nagpapatay sang air conditioning units kag internet sa Senado.
Ginpahayag ni Cayetano nga ang ginapangatubang subong nga mga isyu amo ang parliamentary matters lamang apang ginapadako pa gid ini sang minorya.
