Ginapasiguro sang hepe sang Cadiz City Police Station nga mapatuman ang safer cities nga initiative sang Secretary of the Interior and Local Government kasubong man sang Philippine National Police.
Sa interview sang Bombo Radyo Bacolod kay Police Lt Col. Lymel John Pasquin, bangud sa ginapatuman nga safer cities initiative ginpasiguro sang mga ini nga nagalibot sila sa Cadiz City sa tion sang kagab-ihon ilabi na sa mga ilimnan bangud diri kun kaisa may nagakatabo nga indi manami.
Suno kay Pasquin, ginapasanyog nila ang ila police visibility ilabi na nga magabukas na ang klase sa Hunyo 8.
Samtang ginaengganyo man nila ang mga kabarangayan sa ciudad nga magpalapta man sang mga Barangay Tanods sa pagpabilin sang peace and order ilabi na mga alang-alang nga oras sang kagab-ihon.
Mensahe ni Pasquin sa mga pumuluyo sang Cadiz City nga masami magsunod sa mga ginapatuman nga layi kag ordinansa sang ciudad agud nga mapabilin ang kalinong kag katawhay.
