Nabaylohan sang kinagamo ang maragtason nga kadalag-an sang New York Knicks sa Game 5 sang NBA Finals kontra San Antonio Spurs matapos nagluntad ang nagkalain-lain nga insidente kadungan sang pagselebrar sang pagdaug sang kampeonato sa New York City, santo sa pila ka mga media reports sa Amerika.
Santo sa isa ka report, masobra 60 ka mga indibidwal ang gin-aresto samtang narecord man ang pila ka mga insidente sang pagpangbuno, pagpangluthang, kag pagpangguba sang mga propidad.
Base sa report, masobra napulo ka mga pulis ang pilason sa may gwa nga bahin sang Madison Square Garden kag Times Square.
Santo naman sa report sang New York Police Department (NYPD), isa ka 17-anyos ang ginluthang sa tiil kag gindala sa ospital apang estable na ang kondisyon sini.
Narekober man ang pila ka mga armas-luthang sa lugar.
Pila man ka insidente sang sunog ang nagluntad sa diin hungod nga ginsunog ang pila ka mga salakyan kalakip ang isa ka school bus.
Bangud sa tensyon kag kinagamo, gindeploy ang mga riot police sa pila ka bahin sa New York agud makontrol ang sitwasyon.
Sa pihak sini, ginpahayag sang mga otoridad nga kadam-an sa mga tagasuporta ang nagselebrar sang malinong.
Natalana naman ang championship parade sa ciudad sa masunod nga adlaw.
