Mas ginpabaskog ang relasyon sang Pilipinas kag Germany matapos ginpahayag sang German President nga si Frank-Walter Steinmeier ang suporta sini sa posisyon sang pungsod sa West Philippine Sea.
Sa ila nga paghinun-anon, gintalakay man nanday President Ferdinand Marcos Jr. kag Steinmeier ang kooperasyon sa ekonomiya, depensa, kag seguridad.
Nagpasalamat man ang presidente sa Germany sa bulig sini sa modernisasyon sang Philippine Coast Guard, kalakip ang paghatag sang mga helicopters kag drones, kag sa padayon nga partisipasyon sini sa Balikatan exercises bilang observer.
Gintalakay man ang maayo nga resulta sang mabaskog nga relasyon sang duha ka pungsod sa diin nagdangat sa billion dollars ang kabug-usan nga balor sang imports kag exports sang 2025, pati na ang dako nga kontribusyon sang mga Pilipino sa Germany.
Ginpabutyag man ni Marcos nga bukas ang Pilipinas sa posibilidad sang Visiting Forces Agreement sa Germany sa nagakaigo nga tion, bilang kabahin sang pagpabaskog sang depensa kag internasyonal nga alyansa sang pungsod.
