Daog ang France kag Norway para sa Group I sa una nga duha ka hampang sa FIFA World Cup 2026 subong nga adlaw.
Sa una nga hampang kaina sang kaagahon, nadaog sang France ang Senegal sa score nga 3-1.
Gindominar ni Kylian Mbappe ang hampang kun sa diin siya ang nakapasulod sang duha ka puntos, lakip na ang una ka goal nga nahimo niya sa ika-66 nga minutos sang hampang.
Ini ang gindugangan pa ni Bradley Barcola nga nakagoal sa ika-82 minutos.
Antes magtakop ang hampang, nakascore naman sang isa ka goal si Ibrahim Mbaye sa lima ka minutos nga extension, apang ang gap ang liwat nga ginpadako ni Mbappe sa pagdugang sang isa ka puntos sa ika-anom nga minutos sang extension, ukon kasunod gid lamang sang pagscore sang Senegal.
Sa kaangay nga grupo, sunod naman nga naghampang ang Iraq kag Norway, nga nagresulta sa pagdaog sang Norway sa 4-1 advantage.
Una nga nagpuntos para sa Norway si Erling Haaland sa ika-29 minutos sang 1st half.
Ginpatas sang Iraq ang hampang sa paggoal ni Aymen Hussein sa ika-39 minutos.
Apang liwat naman nga nagdugang sang goal si Haaland sa ika-43 minutos.
Sa 2nd half, nagscore man si Leo Ostigard sa ika-76 minutos.
Bangod sa mainit nga hampang, si Hussein ang aksidente nga nakahimo sang own goal sa 6 minutes extension antes magtakop ang hampang.
Bangod sa pagpuntos para sa Norway, nagdako ang gap sang score sa 4-1.
