Naghatag sang mensahe si Councilor Caesar Distrito sa selebrasyon sang 88th Charter Day sang Bacolod City subong nga Hunyo 18.
Suno kay Distrito, ang ini nga slebrasyon ang indi lang pagdumdom sa adlaw nag nangin ciudad ang Bacolod.
Isa man ini ka espesyal nga selebrasyon sang pagpakigbahin sa kasaysayan, kadalag-an kag malig-on nga pagbinuligay, paghiliusa kag pagsanyog nga tubtob sa subong padayon nga nagahatag sang identidad sa mga Bacolodnon.
Suno diri, nalampuwasan sang ciudad ang madamo nga pagtilaw paagi sa pagtinguha, dedikasyon kag pabinuliganay sang tanan.
Ginpaathag ni Distrito nga liwat nga ginhatagan sang pagtamod ang slogan nga “Bacolod, Stronger Together.”
Suno diri, ini nga mga tinaga ang nagakahulugan sang matuod nga pagsanyog sang ciudad nga nangin posible bangud sa paghiliusa sang gobyerno, komunidad, mga organisasyon kag mga pumuluyo nga nagbinuligay para sa kaayuhan sang tanan.
Nagapangabay ang Konsehal nga sa padayon nga ginaatubang nga mga pagtilaw sang ciudad, mangin inspirasyon ang ini nga pagtlilipon agud mas pabaskugon ang paghigugma sa ciudad sang Bacolod.
Samtang, nagpasalamat naman si Bacolod City Mayor Greg Gasataya sa mga nagpartispar apisar nga tuman ka aga ginpatigayon ang parade.
Suno sa Alkalde, ini ang nagapakita nga nabatayagan sang mga pumuluyo kun ano ka importante ang amo nga mga aktibidades para sa selebrasyon ang importante.
