Nagalaom ang Alliance of Concerned Teachers – Negros Island Region nga mapadasig ang paghatag sang mga textbook.
Nahibaluan nga nagpain sang P19.5 billion budget ang Department of Education para sa textbook sang kada estudyante.
Sa interview sang Bombo Radyo Bacolod kay ACT NIR Secretary-General Grace Abellar, mas maayo kuntani nga antes sa pagsugod sang klase nahatag na ang textbooks.
Suno diri, ginpahayag ni Education Secretary Sonny Angara nga mapanagtag ang textbook antes magtakop ang tuig, apang nagaayo si Abellar nga ini ang indi na paabtan sang pagtakop sang tuig.
Suno diri antes ang Matatag program nakaandan na ang paghatag sang one is to one nga textbook sa kabataan.
Apang sang ginlunsyar ang Matatag Program mga modules na lamang nga hard copy ang ginapadala.
Suno kay Abellar mas mabudlay ang pag-arrange sang modules bangod ini ang separado nga ginahatag kag masami nagalapta-lapta gani mabudlay sa ila ang pag-arrange.
Subong nga nagsugod na ang 3-term system, pangabay ni Abellar nga quality ang kaundan kag may ara na sang note sa kun paano ang pagtipig kag pag-uli sang libro matapos ang klase.
Dugang pa sini nga dapat may-ara sang mga exercises sa textbook agud may matamdan ang mga estudyante sa mga tion nga may disruption sang klase kaangay sang bagyo.
