Indi magnubo sa walo ka mga regional government offices ang natalana nga tukuron sa ciudad sang Bacolod.
Suno kay Bacolod City Mayor Greg Gasataya, may inisyal na nga pag-istoryahanay kaupod ang Department of the Interior and Local Government (DILG), Department of Environment and Natural Resources (DENR), Philippine National Police (PNP), Department of Budget and Management (DBM), kag Bureau of Fire Protection (BFP).
Suno sa Alklade, ang pagagamiton nga duta amo ang Barangay Granada kag Barangay Vista Alegra kag nakadepende sa mga agencies kun ano kalaparon ang ila kinahanglan para sa ila nga opisina kag nakadepende man sa ila mangin diskusyon.
Suno kay Gasataya, may Memorandum of Understanding (MOU) na nga napirmahan kag ang iban ang ginadiskusyunan pa.
Paathag sang Alkalde, dako ini nga bulig para sa ciudad bangud ini ang maka-attract sang investors, potential businessess kag magahatag man sang oportunidad sa mga pumuluyo nga makapangita sang ubra kag makanegosyo.
Dugang pa sini, makabulig man ini agud makahimo sang dalan nga maga-connect sa mga opisina.
