Gobernador sa Negros Occidental, willing magdeklarar sang panibag-o nga State of Calamity bangod sa halin sang RSSI

Nagpasalig si Negros Occidental Governor Eugenio Jose ‘Bong’ Lacson nga willing ang probinsya nga magdeklarar sang State of Calamity kasunod sa padayon nga pagduging sang Red-Striped Soft Scale Insect (RSSI) infestation.

Nahibaluan nga yara na sa 32 percent ang halit sang RSSI sa mga pananum sang tubo sa Negros Oriental kag Negros Occidental.

Suno kay Lacson, nakadeklarar na sang state of calamity sang nakaligad nga tuig kag ginlantaw pa kun ini nalang ang padayunon ukon magpaggwa liwat sang bag-o nga deklarasyon.

Nagahingyo ini sa kooperasyon sang tanan nga mga Local Government Units sa probinsya kag nagpasalig nga lauman sa masunod nga semana ang pagdeklarar sang state of calamity.