Ginkumpirmar sang Department of Foreign Affairs (DFA) nga ‘wala sang narecord nga Pilipino nga nasamaran ukon napatay sa duha ka sunod-sunod nga pagtay-og sang mabaskog nga linog sa Venezuela.
Santo sa DFA, padayon nila nga ginamonitor ang sitwasyon paagi sa Embahada sang Pilipinas sa Bogota, Colombia, nga amo ang nagadumala man sa mga Pilipino sa Venezuela.
Nagapakig-angot naman ang embahada sa mga Pilipino nga naga-istar sa Caracas kag sa ciudad sang Barinas agud masiguro ang seguridad nila.
Sa subong, ginpahayag sang DFA nga wala pa sila sang may nagakabaton nga report sang anuman nga halit ukon ginbawian sang kabuhi nga Pilipino bangud sa linog.
Gin-abisohan naman sang ahensya ang mga Pinoy sa Venezuela nga magpabilin sa luwas nga lugar kag padayon nga magbantay sa mga abiso sang lokal nga panguluhan kag otoridad.
Madumduman nga gintay-og sang magnitude 7.2 nga linog ang bahin sang Caracas.
Wala pa naisahan ka minuto kag nasundan naman ini sang mas mabaskog nga magnitude 7.5 nga pagtay-og.
