Nagdangat na sa indi magnubo sa 164 ka mga indibidwal ang nautas ang kabuhi kag kapin 1,000 naman ang pilason matapos gintay-og sang duha ka mabaskog nga linog ang Venezuela.
Nag-igo ang magnitude 7.2 nga linog hapon sang Huwebes oras sa Pilipinas.
Matapos ang isa ka minuto, ginsundan ini sang magnitude 7.5 nga linog nga nagresulta sa pagkaguba sang mga imprastraktura sa lugar.
Suno kay Interim President Delcy Rodriguez, nagapakig-angot na ang gobyerno sa mga pribado nga sektor agud makakuha sang kagamitan kag mapadasig ang search and rescue sa mga biktima.
Tuman naman nga naapektohan ang La Guaira, isa ka ciudad nga malapit sa capital sang Caracas sa diin makita ang nagapanguna nga airport sa ciudad.
Nadulaan man sang suplay sang kuryente kag tubig sa mga apektado nga lugar.
Paandam sang U.S. Geological Survey, mahimo magsaka pa ang numero sang mga napatay samtang nagapadayon ang search and rescue operation.
