Wala sang may narekord nga insidente sa sulod kag sa gwa sang mga eskwelahan sa bug-os nga probinsya sang sang Negros Occidental suno sa Negros Occidental Police Provincial Office sini nga semana.
Sa interview sang Bombo Radyo Bacolod kay Police Captain Judesses Catalogo, spokesperson sang NOCPPO, padayon ang ila pagpakigkoordinar sa mga school authorities agud mahibaluan kun ano pa ang mabulig sang kapulisan sa pagpalig-on sang seguridad kag public safety sa mga eskwelahan sa rehiyon.
Ginpahayag man ni Catalogo nga padayon nga ginapatuman sang kapulisan ang police visibility kag regular nga pagpapatrolya sa palibot sang mga eskwelahan bilang kabahin sang ila kampanya sa pasiguro sang safety sang mga estudyante, mga manunudlo, kag iban pa nga school personnel.
Panawagan man nila sa publiko nga gilayon magtawag sa 911 para sa nagakaigo nga police assistance kun may emerhensya ukon kinahanglanon nga i-report.
