Linibo ka mga katapo sang Iglesia Ni Cristo ukon INC ang nagbuylog sa isa ka daku nga pagtililipon sa EDSA People Power Monument sa Quezon City agud ipanawagan ang accountability para sa mga ginaalegar may kaangtanan sa korapsyon.
Pila ka mga pamilya naggikan sa nagkalain-lain nga probinsya ang nagtambong indi lamang para sa pagpanawagan sang transparency kundi magpakita man sang pagsuporta kay Senator Rodante Marcoleta.
Apang, base sa report, nagtuga ini sang mabug-at nga lakat sang trapiko kun sa diin halos wala na nagahulag ang mga salakyan sa southbound lane.
Samtang, naglab-ot na sa kapin 15,000 ang mga nagpartisipar, sa diin ginsakop ang White Plains Avenue tubtob sa EDSA, santo sa mga report.
Nagtambong man ang pila ka mga personalidad kalakip sanday anay kongresista Mike Defensor, Sen. Alan Peter Cayetano, Cong. Leandro Leviste, kag anay gobernador sang Ilocus Sur nga si Chavit Singson.
Nagpanawagan naman si Sen. Cayetano sang pagpalangaanay kag paghiusa sa tunga sang mga isyu nga ginapangatubang sang pungsod.
