Gin-archive na sang Sandiganbayan 7th Division ang kaso nga graft batok sa anay kongresista kag pugante nga si Elizaldy “Zaldy” Co.
Bangud masobra anum na ka bulan sang ginpagwa sang korte ang warrant of arrest apang tubtob subong wala pa gihapon sa ila kustodiya ang anay mamalidha.
Nauna na nga ginbalik sang National Bureau of Investigation (NBI) ang Return of Warrant matapos mapaslawan nga maaresto si Co sa mga address nga nasambit sa iya nga warrant of arrest.
Gin-athag naman sang Integrated Bar of the Philippines (IBP) nga ang pag-archive sang kaso ang isa ka kinaandan nga tikang sang korte kag wala nagakahulugan nga ginbasura na ang kaso.
Suno diri, ginahimo ini agud indi ma-delay ang mga schedule sang korte samtang wala pa nadakpan ang akusado.
Suno sa IBP, magapabilin nga pending ang kaso tubtob madakpan ukon boluntaryo nga magsungka si Co.
Bangud ginakabig ang anay kongresista nga isa ka pugante, indi ma-expire ang kaso bisan pa nga magpabilin nga nagapanago sa malawig nga tion.
