Nagsurrender na si Senator Rodante Marcoleta matapos magpagwa sang warrant of arrest ang Sandiganbayan Third Division angot sa P75 million plunder case nga ginfile sang Office of the Ombudsman.
Sa karun, gindala na sa Camp Crame ang Senador para sa booking procedure.
Sa interview sa Senador antes maghalin sa Sandiganbayan, ginpahayag ni Marcoleta nga ginalauman na niya ang pag-issue sang warrant kag nanindugan nga siya ang preparado nga atubangon ang kaso.
Antes sini, nahibaluan nga nagpadulong si Marcoleta sa Sandiganbayan kaina sang aga para kuntani magtambong sa hearing sang iya plunder case may kaangtanan sa wala nadeklarar nga campaign donations.
Kasunod sa iya, gin-aresto man ang mga pribado nga indibidwal nga nagdonar nga ginalakipan nanday former Anakalusugan Party-list Representative Mike Defensor kag ang negosyante nga si Joseph Espiritu.
Luwas sa ila, kalakip man sa ginpasakaan sang kaso ang isa pa ka negosyante nga si Aristotle Viray.
Ang mga pag-aresto ang natabo sa kaangay nga adlaw sa pag-umpisa sang una nga Impeachment Trial batok kay Vice President Sara Duterte.
