Hugot nga ginpanginwala sang Malacañang ang alegasyon nga may impluwensiya si President Ferdinand Marcos Jr. sa imbestigasyon sang National Bureau of Investigation (NBI) angot sa ginaalegar pagpamahog ni Vice President Sara Duterte sa kabuhi sang presidente.
Suno kay Palace Press Officer Usec. Claire Castro, madugay na nga nagapaidalom ang NBI sa Department of Justice (DOJ) kag kabahin sang ehekutibo ang DOJ, gani wala dapat gina-kwestyon ang istruktura sini.
Suno diri, may kaugalingon nga mandato ang NBI na magpatigayon sang imbestigasyon sa anuman nga pamahog sa presidente.
Ginpahayag man ni Castro nga ginseryoso sang presidente ang nangin pahayag sang Bise Presidente kag wala ini ginbalewala.
Suno sa iya, importante nga ma-imbestigaran ang nasambit nga isyu agud masiguro ang seguridad sang presidente, sang first lady, kag sang anay House Speaker, kasubong man sang kamaayuhan sang pungsod.
