Naghimo na sang operational guidelines ang Valladolid Municipal Government para maseguro ang safety sang Palaka Sunset Boulevard.
Ini matapos ginpauntat ang tanan anay ang mga pagbaligya sang mga food cart sa sunset boulevard sa National Highway sang Prk 2, Brgy. Palaka, Valladolid matapos aksidente nga naarado sang isa ka tanker truck ang food cart sa area.
Sa interview sang Bombo Radyo Bacolod kay Valladolid Municipal Mayor Ricardo Presbitero Jr., luwas sa pagpauntat sang mga vendors, butangan nila sang mga signages ang area kag speed limit nga 30 km/h sa mga salakyan.
Ginanegosyar naman nila ang Department of Public Works and Highways (DPWH) en banc, para sa joint development sang gin-abandonar na nga Food Plaza sadto, agud nga masayluhan sang mga vendors.
Ginalantaw man niya nga magreclaim sang dugang nga 25 metros gikan sa shoreline agud nga mapalapad ang area kag mahatagan sang mas dako nga space ang mga vendors kag mga luyag maglagaw sa lugar.
Suno kay Mayor Presbitero, may drawing na ini sang development plan para sa Food Plaza.
