Ginhangkat ni Senate Minority Leader Alan Peter Cayetano ang National Bureau of Investigation (NBI) kahapon nga ipadayunon ang imbestigasyon sa ginaalegar anomaliya sa bidding kag funding sang mga proyekto para sa 2019 SEA Games.
Apang suno kay Cayetano, ang imbestigasyon ang magatulod man sa Senate minority bloc nga ibalik ang ila imbestigasyon sa flood control scandal.
Una na nga ginpahayag ni NBI Director Melvin Matibag nga magatukod ini sang task force nga mag-imbestigar sang mga gina-alegar anomaliya sa 2019 SEA Games sa diin ginatumod sini ang bag-o nga impormasyon kag mga dokumento nga nabaton sang bureau angot sa Philippine Southeast Asian Games Organizing Committee (PHISGOC).
Madumduman nga si Cayetano ang Chairperson sang PHISGOC sang 2019.
Bilang sabat, ang senator-judge ang naghimo sang manifestation sa ika-anum nga adlaw sang impeachment trial kay Vice President Sara Duterte, nga ginkwestyon kun tuyo bala nga pahugon ini sang ginhambal ni Matibag.
Natalana nga ipresentar sang House prosecution panel si Matibag bilang witness sa trial, nga magtestigo sa Article IV sang Articles of Impeachment, sa Lunes, Hulyo 20.
