Ginpahayag ni Senator-judge Joel Villanueva nga ang Section 8-A sang Anti Money Laundering Act ang nagadumili sa disclosure sang confidential information apang wala nagapamatok sa subpoena.
Apang nagsabat si Counsel for the respondent Atty. Michael Poa nga apisar nga ang impeachment court ang constitutional body, indi ini makalapaw sa Constitution.
Dugang pa sini, kun basahon ang konstitution, nagaupod ini sa Bill of Rights nga nagagarantiya sang nagakaigo nga proseso.
Ginpahayag man ni Poa nga para sa depensa, ang Section 8-A ang isa ka absolute prohibition bangod wala sang exemption nga gintalana diri.
Ginpamangkot man ni Villanueva ang defense kun may yara sang legal distinction sa tunga sang disclosure of information sa general public kag limited production sang records sa impeachment court.
Dugang pa nga ginpamangkot ni Villanueva si Poa kun magasugot ini nga ang korte ang makahatag sang safeguards sa paggamit kag disclosure sang records.
Suno kay Poa wala ang defense nagapamatok sa transparency and accountability, apang wala man ini nagakahulugan nga balewalaon ang kinamatarong.
Gintindugan sini nga ang Section 8-A ang isa ka absolute prohibition.
