Gindayaw ni Andi Eigenman ang anay partner nga si Jake Ejercito sa pagserbe sini bilang maayo nga amay sa ila bata nga si Ellie, sa pihak sang pagbulagay.
Sa isa ka interview kay Eigenman, ginpahayag sang anay aktres nga matawhay ang ila nga co-parenting setup kag nagapasalamat siya kay Ejercito sa pagbulig sa pagpadako sa ila nga bata.
Aminado man si Eigenman nga mas mabudlay na ang ila pagaatubangon bangud 15-anyos na si Ellie kag mangin Grade 9 student na ini.
Suno kay Eigenman, mas importante subong nga may paghangop sa tunga nila ni Ejercito agud mahatagan sang maayo kag malig-on nga gabay ang ila nga bata.
Apisar wala sila nagdayunay bilang magkahagugma, ginpahayag ni Eigenman nga nagpabilin ang ila katungdanan bilang responsable kag maayo nga ginikanan para kay Ellie.
