Ginserbehan sang show cause order ang regular employee sang City Treasurer’s Office bangud sa gina-alegar iregularidad sa pagkolekta sang amusement tax sa mga bar sa ciudad sang Bacolod.
Ini matapos nagreklamo ang duha ka tag-iya sang nagkalain-lain nga bar nga gina-alegar nagpangolekta sa ila sang amusement tax nga wala naghatag sang official receipt.
Santo sa affidavit of complainant, sang Disyembre 27, 2025 kag Enero 17, 2026, nagbisita sang makaduha ka beses kag nagpakilala ang empleyado bilang authorized representative sang City Treasurer’s Office sa isa ka bar kag personal nga nagbaton sang tig P2,500 bilang amusement tax nga wala sang ginhatag nga official receipt.
Sang nagpangayo ang tag-iya sang resibo, ginhambals sang empleyado nga “to follow ang receipt”.
Gina-alegar natabo naman ang ikaduha nga insidente sa isa pa ka establisyimento sang Disyembre 2025.
Ang isa ka etablisyamento ang naghatag sang P5,000 samtang ang isa naman ang naghatag sang P3,500.
Suno kay City Legal Office Spokesperson Atty Vanessa Encabo, matapos ang ila ginpatigayon nga internal investigation, ginpasa nila sa City Mayors Office ang complaint kag natigayon nga naserbe ang show cause order batok sa nasambit nga empleyado.
Ginhatagan ini sang lima ka adlaw ang agud magsabat sa show cause.
Ginpaathag ni Encabo nga ang amusement tax ang ginakolekta kun may ara sang legit activity nga ginapatigayon sa isa ka establisymento sa sulod sang isa ka adlaw.
Dugang pa sini nga may event naman nga non-taxable.
Apang suno diri, wala sang event sa adlaw nga nagkolekta ang ginareklamo nga empleyado.
Paathag ni Encabo nga mapagamay ukon dako ang ginakolekta, indi ini pwede kun wala sang officical receipt nga ginremit sa City Treasure’s Office.
