Pormal na nga napasaka sa Office of the Ombudsman ang criminal kag administrative complaints batok kay Negros Occidental 3rd District Board Member Andrew Gerard L. Montelibano sang Hulyo 20.
Ginkumpirmar ini sang Police Regional Office Negros Island Region (PRO NIR).
Ini ang may kaangtanan sa nadiskubrehan nga e-sabong operation sa propiedad nga ginapanag-iyahan ni Montelibano sa Hda. Pilar, Brgy. Alicante, EB Magalona sang Hulyo 8.
Ang reklamo ang ginpasaka sang Regional Special Operations Group (RSOG) nga nagtuyo magserbe sang warrant of arrest sa isa ka wanted person nga nagresulta sa pagkadiskubre sang e-sabong operation sa lugar.
Samtang, ginpahayag sang PRO-NIR nga indi na maghatag sang dugang pa nga detalye ukon ebidensya angot sa amo nga reklamo bangud ini ang yara na sa jurisdiction sang Office of the Ombudsman.
Panindugan sang PRO-NIR nga ipatuman ang layi paagi sa professional, impartial, kag evidence-based law enforcement samtang ginarespeto nila ang Office of the Ombudsman sa pag-usisa sa nasambit nga reklamo.
