Naturnover na sang ciudad sang Bacolod ang masobra 200 ka mga metal detectors nga gindonar sang mga pribado nga indibidwal kag grupo kahapon.
Upod sa pagturn over sanday Bacolod City Mayor Greg Gasataya, DepEd Bacolod Schools Division Superintendent Dennis Develos kag Bacolod City Police Office Director PCol. Eugene Rebadomia.
Suno sa Alkalde, ang DepEd na ang bahala sa pagdul-ong sang mga metal scanners sa mga eskwelahan.
Nagpasalamat ini sa mga nagdonar sang nasambit nga equipment.
Dugang pa, ginahulat man sang ciudad ang dugang nga handheld kag walk through metal scanners nga igabutang sa mga eskwelahan nga may kapin 2,000 ka student population.
Suno diri, ginadeterminar pa kun diin nga mga eskwelahan ang pwede butangan sang walk through metal scanners bangud ang iban diri ang indi pwede sa installation.
Paathag ni Mayor Greg padayon ang pagtinguha sang ciudad sa paghatag sang safe learning sa mga estudyante, manunudlo kag mga personnel sa mga eskwelahan.
