Nabaton na sang Senate Impeachment Court, paagi sa Office of the Clerk of Court, ang mga dokumento nga gin-file kahapon sang Huwebes, Hulyo 30, bilang pagsunod sa mga subpoena para sa financial records ni Vice President Sara Duterte, kag sang iya bana nga si Atty. Manases Carpio, kasubong man sang 20 ka mga entidad nga nakasaysay sa mga subpoena.
Suno sa report, nakasumiter na sang compliance ang Bureau of Internal Revenue (BIR) kag pila ka mga banko kalakip ang BDO Unibank, Philippine Savings Bank (PSBank), Metropolitan Bank & Trust Company (Metrobank), kag Security Bank Corporation.
Padayon naman nga nagabaton sang documentary submissions ang Office of the Clerk of Court halin sa iban pa nga institusyon nga sakop sang subpoena.
Ang mga dokumento nga ginsumiter ginalauman nga mangin importante nga kabahin sang ebidensya sa pagpadayon sang impeachment proceedings batok kay VP Sara.
Katuyuan sang Senado nga mausisa ang tanan nga financial records agud masiguro ang transparency.
