Ang ulihi nga nahibaluan nga lokasyon ni Senator Ronald “Bato” dela Rosa ang yara sa Mindanao area suno kay Department of the Interior and Local Government (DILG) Secretary Jonvic Remulla.
Kadungan sini, hugot nga ginpanginwala ni Remulla ang nagalapta nga report nga nadakpan na si Dela Rosa may kaangtanan sa arrest warrant gikan sa International Criminal Court (ICC).
Suno sa tiglikom, gin-verify sang mga otoridad ang report apang wala sang may nakita nga basehan sa mga claims nga nadakpan ang mamalidha.
Ginpasiguro ni Remulla nga sundon sang mga otoridad ang legal nga proseso, lakip na ang pag-book kag pagpresentar sa senador sa isa ka lokal nga korte, antes ini mangin subject sa extradition.
Madumduman nga nagpanago si dela Rosa matapos magbiya sa Senate premises kasunod sang shooting incident sang bulan sang Mayo.
