Magapasaka sang kaso ang pamilya sang grade 11 student nga gin-alegar ginpulihan sang kastigo sang grupo sang mga lalaki sa banwa sang La Castellana sang tinalikdan nga Hulyo 29.
Ang biktima ang isa ka 16 anyos nga residente sang Pontevedra.
Sa interview kay Police Major Romulo Gepilango, hepe sang La Castellana Municipal Police Station, nakablotter na ang insidente kag late reported na bangud subong nalamang nagdesisyon ang pamilya nga magpasaka sang kaso batok sa nangkastigo sa ila nga himata.
Suno kay Gepilango, ang natabo amo nga ang grupo sang mga suspetsado ang may kaaway nga grupo kag nakilala nila nga ang biktima ang nagaupod sa pihak nga grupo gani ini ang ila una nga napaukpan.
Suno pa diri, indi man miyembro sang nakontra nga grupo sang mga suspek ang biktima.
Nakaatubangay na sang Martes ang estudyante kag mga suspek kaupod ang mga ginikanan, Department of Social Welfare and Development ukon DSWD kag Women and Children Protection Desk (WCPD) sang La Castellana Municipal Police Station apang wala pa sang settlement.
Suno kay Gepilango, desidido nga magpasaka sang kaso nga physical injury ang pamilya sang biktima sa mga suspek.
