Ginpropose na ang pagtukod sang Special Investigation Task Group angot sa pagluthang-patay sa Indian National sa Prk Bayanihan, Brgy Villamonte, Bacolod City sang Agosto 4 sang gab-i.
Sa interview sang Bombo Radyo Bacolod kay Police Major Mark Joel Reclamado, station commander sang Bacolod Police Station 4, ang Police Regional Office – Negros Island Region amo ang magadesisyon sa opisyal nga pagtukod sang SITG.
Madumduman nga ginpatay sang gina-alegar riding in tandem suspects ang biktima nga si Akshdeep Singh, 43 anyos, samtang ini ang sakay sa iya motorsiklo.
Si Singh ang lima ka bulan pa lamang nga nagatinir sa Brgy Villamonte, Bacolod City, kag siya ang enggaged sa lending business ukon pa-utang.
Apisar nga wala pa natukod ang SITG, pasalig ni Reclamado nga sila ang may inisyal na nga koordinasyon sa mga partner stations.
Nagabacktracking man ang mga ini sang available nga mga CCTV footages sa palibot.
Suno diri, may-ara na sila sang nakuha nga CCTV footage nga mahimo naka-capture sa mga gunman, apang ini ang blur gani ginpadala pa nila sa Regional Anti-Cybercrime Unit – Negros Island Region para ma-enhance.
Padayun man ang ila pagsugilanon sa mga himata kag kakilala ni Singh agud matumod ang posible nga motibo sa krimen.
