Nagpasalig ang Samahan ng mga Tsuper and Operators Negros (SSTONE) nga may magabyahe gihapon sa dalanon bisan pa madula ang modernized jeepney units sa ciudad sang Bacolod.
Ini matapos nga pila ka mga modernized jeepney operators ang gindagdagan na sang demand letters kag foreclosure notice sang bangko.
Sa interview sang Bombo Radyo Bacolod kay Jun Jun Asis, Secretary General sang SSTONE, nagadangat sa masobra isa ka libo nga mga traditional jeepney units ang nagsulod sa consolidation process.
Ang SSTONE kag ang Federation of Bacolod City Drivers (FEBACDA) ang nagtingob naman sang pwersa agud mangin kooperatiba para makapasar sa requirements sang Public Utility Vehicle (PUV) Modernization Program.
Sadto may ginpropose man nga modernized jeepney unit nga gamay lamang kag sunod ang desinyo sa traditional units, kag ini ang airconditioned man, apang wala man ginbatun kag mas ginhatagan prayoridad ang produkto sang China.
Ang focus lamang nila sa pagsulod nga maseguro nga mahatagan sang prangkisa sa pagbyahe.
Apang sila ang wala pa sa punto sang pagbakal sang modernized jeepney units, bangod ini ang ila pa nga ginatun-an sang maayo.
Suno diri, ginhatagan sila sang 5-year franchise, apang apisar nga ini ang natapos na, wala naman mabalik sa ila ang certified true copy (CTC) kag ini ang gina-tatakan lang sang “extended” kada tuig.
Hinali nga embarguhon sang bangko ang mga modernized jeepney units, aminado ini nga makaangkon sang gamay nga problema ang mga commuters.
Apang pasalig man sini nga sa sulod lamang sang isa ka semana, maka-adjust naman gilayon ang mga traditional jeepney drivers.
