Padayon ang clearing operations sa Ibid Creek kag Tamburong Creek sa Barangay Biaknabato, La Castellana nga natampokan sang mga volcanic materials gikan sa Bulkan Kanlaon.
Suno kay Punong Brgy Joselito Martinez Jr. sang nasambit nga Brgy, ginalauman nga mahatagan sang pondo ang pagpakay-o sang pika-pika sa duha ka suba.
Suno diri, naka-survey na ang DPWH Negros Island Region sang nagligad nga semana.
Nahibaluan nga may una nga ginpain nga P30 million nga pondo ang Negros Occidental Provincial Government para sa pagpakay-o sang pika-pika sa duha ka suba.
Suno kay Martinez, indi man masami mataas ang lebel sang tubig sa Ibid kag Tamburong Creek.
Apang kun mag-ulan, nagapanaog ang dako nga volume sang tubig gikan sa Bulkan Kanlaon nga nagatuga sang pagbaha.
Pahayag sini nga naedukar naman ang mga pumuluyo kag preparado na ang mga evacuation center sang Brgy inkaso may mga pagbaha.
Dugang pa sini, may 48 ka mga pamilya nga naga-istar sa malapit sa suba nga na-wash out ang mga balay sang nagligad nga paglaslas sang Bagyo Tini ang narelocate na.
Samtang, suno diri, plano man ni Vice Mayor nga i-relocate ang mga nabilin nga pumuluyo nga naga-istar malapit sa suba.
