Target ni two-time Olympic champion nga Pinoy gymnast nga si Carlos Yulo ang pag-angkon sang iya una nga bulawan nga medalya sa Asian Games nga pagahiwaton sa Aichi-Nagoya, Japan sa bulan sang Setyembre.
Magahampang si Yulo sa men’s artistic gymnastics competition, upod ang iya utod nga si Eldrew Yulo kag ang iban pa nga mga Pinoy gymnast nga sanday Justine Ace De Leon, Miguel Besana, kag Zachary Cortins Nunez.
Bisan pa may yara na siya sang 12 ka bulawan nga medalya sa Asian Championships, wala pa gihapon nakakuha si Yulo sang bulawan nga medalya sa Asian Games.
Sang 2018 Asian Games, nangin una si Yulo sa qualification sang floor exercise, apang nagtapos lamang siya sa ikapito nga pwesto sa final.
Wala naman nakahampang si Yulo sa 2023 Asian Games sa Hangzhou, China, matapos sini ginpili ang pag-compete sa World Championships sa Belgium.
