Tatlo ka Tropical Cyclone ang ginamonitor subong sa gwa sang Philippine Area of Responsibilty (PAR).
Kun sa diin nasiplatan ang bagyo nga may international name nga Saudel sa 1,660 km sa nasidlangan sang Northeast sang extreme Luzon.
Ang hangin ang may kabaskugon nga nagadangat sa 175 km/h kag may pagmadlos nga tubtob sa 215 km/h.
Santo sa tropical cyclone advisory sang weather state bureau, ang bagyo ang padayon nga magahulag sa west northwestward nga direksyon sa masunod nga tatlo ka adlaw.
Lauman nga magasulod ang sentro sang bagyong Saudel sa PAR subong nga adlaw, Agosto 24, sa aga ukon sa hapon kag pagatawgon nga “Obet”.
Ini ang magapabilin sa bahin sang Philippine Sea kag posible nga magagwa sa PAR sa Martes, Agosto 25 kun indi na ini magliko sa westward nga direksyon.
Lauman nga magbaskog pa gid ini sa typhoon category subong nga adlaw.
Yara naman sa 1,330 km nasidlangan sang Southeastern Luzon ang isa ka tropical depression.
Ini ang may kabaskugon sang hangin nga 55 km/h kag pagmadlos nga nagadangat sa 70 km/h.
Nagahulag ini padulong sa North Northeastward nga direksyon.
Samtang, ang tropical depression nga may international name nga Gaeneri ang yara sa 520 km naaminhan sang Itbayat, Batanes.
May kabaskugon sang hangin nga 55 km/h kag pagmadlos nga tubtob 70 km/h.
Ini ang nagapadulong sa West Southwestward nga direksyon sa kadasigun nga 15 km/h.
Padayon naman nga nagaapekto ang Southwest Monsoon ukon Hangin Habagat sa bahin sang Northern kag Central Luzon.
Lauman ang tumalagsahon nga pag-ulan sa Batanes, samtang lapta-lapta naman nga mga pag-ulan sa Metro Manila, Ilocos Region, Cordillera Administrative Region, Central Luzon, nabilin nga bahin sang Cagayan Valley, Cavite, Batangas, kag Rizal.
Sa nabilin nga bahin sang pungsod, lauman ang pugtak-pugtak nga mga pag-ulan tuga sang localized thunderstorms.
