Nagalaom si Negros Occidental Third District Board Member Andrew Montelibano nga madayon ang Barangay and Sangguniang Kabataan Elections sa Nobyembre 2.
Suno kay Montelibano, sa pihak sang daw indi mahangpan nga plano sa BSKE subong nga tuig nagalaom ini nga madayon ang pagpiniliay bangud sa iya nga paglibot, luyag sang mga pumuluyo nga madayon ang eleksyon.
Nagapati si Montelibanon nga ang piniliay ang kahigayunan nga mahatagan ang pumuluyo sang ligwa nga ma-practice ang freedom sa pagpili kun sin-o man ang naluyagan sini nga magpungko kag magserbisyo para sa ila.
Dugang pa sini tion na agud nga madayon ang piniliay sa Barangay and Sangguniang Kabataan Elections.
Suno kay Montelibano nga kun ang mga opisyales ang nagserbisyo sang maayo, wala sang dapat nga kahadlukan sa patigayunon nga piniliay.
Samtang pabor man ini sa proposed five-year term para sa mga opisyales sang Barangay.
Suno kay Montelibano, malip-ot ang tatlo ka tuig nga pagserbe sang mga barangay officials rason nga pabor ini sa pagpalaba sang ila termino apang dapat nga may matabo nga piniliay.
