Patay ang pito ka indibidwal matapos magbaliskad ang isa ka ferry nga may sakay nga 260 ka tawo sa may bahin sang Mediterranean Sea, northern coast sang Cyprus kahapon, suno sa mga lokal nga opisyal.
Nagpatigayon man sang rescue operations para sa pagpangita sang 23 ka mga nadula, suno kay Prime Minister Unal Ustel sang Northern Cyprus.
Suno diri, 237 na ang na-rescue sang mga otoridad.
Ang ferry ang nagabyahe naggikan sa port sang Kyrenia, padulong sa Turkish port sang Tasucu sa probinsya sang Mersin.
Suno sa Turkish Interior Ministry, apat ka Northern Cyprus coast guard vessels kag isa ka depasahero nga barko ang gin-deploy sa lugar, upod ang lima ka Turkish Coast Guard Command vessels kag duha ka helicopter.
Anum man ka mga barko sang Turkish navy ang ginpadala sa lugar, suno sa ministry.
Ginpahayag sini nga maid-id gid ang ginapatigayon nga search and rescue operations sa pagpakig-koordinar sa mga nagkalain-lain nga ahensya.
