Ginpahayag sang political analyst sa Bacolod City nga dapat gid nga ipresentar bilang witness si Colonel Raymund Dante Lachica bangud siya ang makatuad sang tanan nga nakabaton ukon sa diin gingamit sang bise presidente ang P125 million nga confidential fund.
Sa interview sang Bombo Radyo Bacolod kay Atty. Jomax Ortiz, dapat ipresentar si Lachica agud mahibaluan na ang tanan bangud siya ang ginatudlo ni Office of the Vice President (OVP) Assistant Chief of Staff Lemuel Ortonio kag ni former OVP special disbursing officer Gina Acosta nga siya ang nakahibalo sang implementation sang programa kun sa diin ginagamitan sang confidential funds.
Apang suno kay Ortiz mahimo nga indi pag-ipresentar sang prosecution sa impeachment trial ni Vice President Sara Duterte si Lachica bangud hinali nga maghambal ini madamo sang magkaladalahig.
Samtang ang duha naman ka opisyal sang military nga ginlakipan nanday Col. Manaros Boransing II kag Col. Magtangol Panopio ang natalana nga magtestigo sa impeachment trial nga may kaangtanan sa confidential funds nga gingamit sang bise presidente.
Suno kay Ortiz si Col Boransing II ang makacertify sang military certification kag documentation sa mga ginpangpasa nga mga pangalan kaangay kay Piatos kag iban pa.
