Padayon ang search and rescue operations sa border sang Nepal kag China para sa linibo ka mga indibidwal matapos ang flash flood sang Agosto 26 nga nag-igo sa mga komunidad sa Himalayas.
Sa Nepal, indi magnubo sa 1,003 ang napatay samtang 3,916 ang nagapabilin nga missing, kalakip ang 583 ka mga foreign nationals.
Gin-report naman sa China nga 16 ang ginbawian sang kabuhi samtang 546 ang nadula, kalakip ang 261 ka foreigners.
Nabudlayan ang rescue teams sa pagpatigayon sang operasyon bangud sa landslide, mga naguba nga kalsada, kag malapad nga kahalitan nga nag-isolate sa pila ka mga lugar.
Nagagamit ang mga rescuer sang search dogs sa mga lutakan nga bahin kag sa idalom sang mga dalagko nga bato kag debris para sa posible nga mga survivors.
Samtang, ginatutukan man ang pagpangita sang mga trabahador nga posible na-trap sa mga tunnel sang 12 ka hydropower projects sa Nepal.
Nagdangat sa 900 workers ang ginapangita halin sa nasambit nga proyekto.
