Madinalag-on nga na-rescue ang duha ka survivor sa hydropower tunner kag Trishuli 3A construction site, siyam ka adlaw matapos ang malapad nga pagbaha sa Nepal-China border, santo sa Army sang Nepal.
Ginpakigbahin sang mga otoridad sa social media ang mga video kag litrato sang pag-rescue sa duha ka indibidwal.
Ang mga survivor ang ginkilala nga sanday Kabir Maharjan kag Sanjay Sah.
Santo sa post, ginpahayag nga nakabati ang mga rescuers sang tingog sang mga na-trap naggikan sa sulod sang tunnel.
Kapin sa 557 ka trabahante halin sa Trishuli 3A hydropower projects ang nagapabilin nga missing, kag ginabanta 115 ka tawo ang na-trap sa sulod sang tunnel, santo sa Independent Power Producers Association sang Nepal.
Matapos ma-rescue, ginsiling ni Sah nga may tatlo ukon apat pa nga na-stuck sa sulod, kag posible mas damo pa.
Nagsaka na sa 1,287 ka mga indibidwal ang napatay matapos ang flash flood sa Nepal-Tibet border, samtang 4,216 ang nagapabilin nga missing, santo sa mga opisyal sang pungsod.
Gindeklara naman sang Nepal ang Setyembre 7 bilang National Day of Mourning.
