Ginpresentar si Assistant National Statistician Marizza Grande sang Philippine Statistics Authority bilang testigo sang prosekusyon sa ka-22 nga adlaw sang impeachment trial ni Vice President Sara Duterte.
Ini ang gin-umpisahan sa pangamuyo nga ginpangunahan ni Senator-Judge Alan Peter Cayetano.
Ang ika-22 nga trial proceedings nga ginatambungan sang 15 ka Senador.
Ginkilala naman ni Senate impeachment court presiding officer Senator Francis “Chiz” Escudero si Private Prosecutor Atty Reynaldo Robles para sa stipulation may kaangtanan kay DepEd Special Disbursing Officer Edward Fajarda kag sa DepEd confidential funds.
Si Fajarda, nga ginhingyo sang House prosecution panel nga magtestigo subong nga adlaw ang wala nakatambong sa trial bangud sa iya health condition.
Nagsugot naman si Defense Counsel Atty Lindon Miguel Bacquel sa stipulation nga nag-encash si Fajarda sang tatlo ka tseke nga nagabalor sang tig-P37.5 million, ukon kabug-usan nga P112.5 million.
Sa pihak nga bahin, nagrequest naman si Defense Counsel Atty Lindon Bacquel nga ma-islan ang wordings sa stipulation of evidence nga “disbursement” ang gamiton imbes nga “turnover” may kaangtanan sa mga aktibidad ni former DepEd SDO Edward Fajarda. Samtang.. ginkumpirmar ni PSA Assistant National Statistician Marizza Grande nga 1,287 ka pangalan gikan sa 1,982 nga yara sa listahan sang payees sang Office of the Vice President ang wala sang nakita nga record sang birth, marriage, ukon death certificate sa database sang PSA.
Sa breakdown, gikan sa 1,992 list of recipients sang OVP yara sa 1,322 ang wala sang record sang Certificate of live birth,, 1,456 ang wala sang Certificate of Marriage, kag 1,593 naman ang wala sang record sang Certificate of death.
Samtang 398 gikan sa 677 ka mga pangalan sang nakalista nga payees sang DepEd Confidential Funds, ang wala man sa civil registry records sang PSA database.
Samtang wala sang ano man nga record si “Mary Grace Piatos,” nga isa sa gina-alegar benepisyaryo sang confidential funds sang OVP.
Sa basihan sang official database sang PSA, wala sang nakita nga record sang birth, marriage, ukon death certificate sang nasambit nga pangalan.
Samtang nalakip man ang duha ka bulan nga lapsag kag pila ka mga madugay na nga napatay sa ginaalegar nakabatun sang confidential funds gikan sa DepEd kag OVP.
Ini santo sa dokumento nga ginpresentar sa Impeachment Trial nga ginkumpirmar ni Grande.
