Patay ang lima ka indibidwal sa Kyiv, Ukraine matapos maglunsyar ang Russia sang pagpang-atake sa ciudad, sa ila nga pagbalik opensa matapos ang tatlo ka adlaw nga pahuway para sa pagbisita sang U.S. peace talks delegation.
Santo sa air force sang Ukraine, naglunsyar ang Russia sang 166 ka drones, 32 ka cruise missiles kag wala pa natumod nga kadamuon sang anti-ship kag ballistic missiles sa pungsod.
Ginpahayag nga na-intercept sang Iran ang 142 ka drones, 31 ka cruise missiles, kag duha ka ballistic missile.
Nagapati ang Ukraine nga ang Kyiv kag ang nabagatnan nga bahin sang ciudad sang Odessa ang gin-target sang Russia.
Sa pihak sini, ginpakigbahin sang Russia sa isa ka post nga gintarget nila ang mga defense industrial facilities, military transport, kag mga logistical hubs, kasubong man ang pantalan sang Odesa.
Nagpost man ang Ministry sa telegram sang isa ka litrato nga nagapakita sang cruise missiles kag ini ang may caption nga “Targeting day and night.”
