-- ADVERTISEMENT --
Gin-anunsyo sang FIBA Executive Committee nga ang Pilipinas ang maga-host sang last stop sa qualifiers nga natalana sa Pebrero antes ang World Cup sa Doha, Qatar.
Ang anunsyo ang ginpagwa matapos ang madinalag-on nga hosting sang pungsod sa fourth window sa diin ginlutos sang Gilas Pilipinas ang Jordan kag Iran sa makahalawat-hawat nga mga hampang sang tinalikdan nga bulan.
Sa final window, liwat nga atubangon sang Nationals ang Jordan sa Pebrero 25 antes ang Syria sa Pebrero 28.
Yara karon sa 4-4 nga standing ang Pilipinas matapos ang home sweep, samtang patas naman ang Iran kag Jordan sa ikatatlo nga pwesto.
